Baixo o título – Psicomotricidad más vale prevenir, convócasenos ó VI congreso estatal de psicomotricidade en Madrid.
Xornada sin lugar a dúbidas interesante, enriquecedora e motivadora para seguir na tarefa de divulgar e defender o gran papel que desempeña a psicomotricidade no ámbito EDUCATIVO/PREVENTIVO na primeira infancia (ata 6/7 anos).
As/os profesionais que traballamos no ámbito da psicomotricidade sabemos o complicado que resulta competir con outras ofertas. Actividades como inglés, natación, música, predeporte, potenciadores de talento…. teñen un recoñecemento e consideración dende fai tempo. Na sociedade actual hai moitos pais/nais preocupados, xa dende moi pronto, en axudarlles a seu fillos, en ofertarlle entornos nos que se lles enseñe e prepare para o éxito académico, que logo poderá traducirse noutro tipo de éxitos (asociación frecuente). Este plantexamento esquece algo básico, ó neno nestas idades hai que axudarlle a descubrirse, a descubrir un corpo que experimenta cambios constantes en moi pouco tempo. Tamén hai que xerarlle espazos para que poda xogar, crear, ser,… mostrarse e expresar os seus medos, vivir experiencias no grupo de iguais que lle permitan encontar o seu espazo e sentirse co poder de defenderse. Os nenos teñen que ser nenos para logo poder estar abertos a aprendizaxe e podelo vivir con placer, interés e creatividade. Deben de contar cunha maduración física e psicolóxica para poder acceder as aprendizaxes escolares.
E preciso confiar nos nenos, na súa capacidade e potencialidade…, entender que ser neno non é tarefa sinxela, non adiantarnos a cubrir as súas necesidades. Temos unha longa vida por diante para acumular aprendizaxes e uns poucos anos para xogar e formar os pilares da nosa persoa.
Así que… más vale prevenir….
