Uncategorized @gl

A revista “Entre Líneas” editada pola Asociación Profesional de Psicomotricistas APP, naceu no ano 1996. É unha revista especializada en Psicomotricidade, e oferta tanto ós seus socios como a profesionais interesados, FERRAMENTAS de reflexión teóricas e prácticas en torno á psicomotricidade ou disciplinas relacionadas.

Nela tamén dispoñemos da información dos diferentes centros que ofertan FORMACIÓN a través de cursos, postgrados, masters, seminarios de formación permanente…., e das diferentes ASOCIACIÓNS de psicomotricistas coas que contamos en España.

Facilitamos o enlace co último número editado: content/uploads/2020/01/Entreli%CC%81neas_44.pdf

INTERESANTE INVITACIÓN POR PARTE DA AGAT (Asociación Galega de Atención Temperá): “Propoñemos este novo curso de actualización na procura de experiencias e ideas para mellorar a identificación e intervención precoz cos nenos e nenas que presentan signos de autismo, dificultades graves de axuste na interacción e comunicación social, intereses empobrecidos, ou anomalías na vivencia sensorial.

Nenos e familias inmersos nun horizonte de sufrimento que precisan mais empatía, esforzo e apoio social.

Na primeira parte da xornada (9:00-11:30), Josep Mª Brun Gasca, psicólogo e psicoterapeuta, director do PROGRAMA AGIRA (Atención Integral a Nenos Riesgo de Autismo), presentará este plan asistencial e os seus resultados. O PROGRAMA AGIRA, implementado en varias comarcas de Barcelona pretende realizar unha atención mais integral, intensiva e coordinada, prestando apoio e acompañamento á función coidadora das familias e das educadoras.

Na segunda parte (12:00-14:00), Amparo Rodríguez (Pediatra), M. Belén Martínez (Psiquiatra), Jesus Eirís (Neuropediatra) e Xoana Balado (Psicomotricista), nunha mesa redonda e dende as súas posicións profesionais achegaran datos e perspectivas para ilustrar os procedementos diagnósticos que se realizan en Galicia. Afondarán nos criterios e instrumentos que utilizan e as súas posibles consecuencias. E compartirán propostas para posibles melloras.”

Para máis información e incripción visitar a páxina da AGAT :http://atenciontemprana.com/

O CEFFOP – Centro de Formación e Práctica Psicomotriz Aucouturier (Madrid) – lanza a seguinte convocatoria para profundizar e reflexionar sobre a Práctica en Educativa:

Xerar espazos para reflexinar sobre as fontes teóricas do noso traballo, así como supervisar as sesións na sala de psicomotricidade acompañados doutros profesionais, é un marco ideal que nos permite profundizar na análisis das sesións e mellorar como psicomotricistas.

Xornada interesante para o venres 31 de Xaneiro e sábado 1 de Febreiro. organizada pola Universidade de Barcelona. A proposta de traballo é – EL JUEGO CORPORAL:

“El juego corporal se aprende y no se enseña de manera académica”

“El juego , una cosa seria y placentera”

Estiveron no 2017 en Santiago de Compostela, nunha xornada de formación organizada pola AGAT. Foi un placer escoitalos e poder enriquecernos coa súa experiencia profesional.

Despois das xornadas realizadas recentemente en Vitoria, a Escola Luzaro de Psicomotricidade editou unha revista con artigos interesantes sobre temáticas que se abordaron. Facilitamos o enlace á revista – EL VALOR DEL VÍNCULO XIV JORNADAS DE PRÁCTICA PSICOMOTRIZ: https://luzaro.net/es/revistajornadas2019/

Na web da escola xa está accesible a información das próximas convocatorias para xornadas de sensibilización previas ó master de formación de Psicomotricidade Educativa Preventiva. Para máis información consultar en: https://luzaro.net/es/cursos-psicomotricidad/

Medrando Xuntos foi convocado polo Centro de Formación do Profesorado de Ferrol (CEFORE) e polo CIFP Compostela para a realización de dúas xornadas de formación.

O mércores 4 de Decembro no CIFP Compostela, para unha charla informativa ás/ós alumnos do Ciclo de Educación Infantil, na que incidimos na importancia da Psicomotricidade Educativa Preventiva nesta etapa do desenrolo.

O xoves 12 de Decembro no CEIP Ponte de Xubia – Narón coa participación do profesorado de infantil e primaria, interesados en profundizar na metodoloxia e aportes da PPA – Práctica Psicomotriz Aucouturier.

Foi un pracer colaborar nestes espazos, xa que a mirada sobre o neno que aporta a Psicomotricidade seguro que é un aspecto enriquecedor para todos aqueles que traballamos na infancia.

Por outro lado, compartir a nosa experiencia tamén supón un esforzo para conceptualizar, sintetizar e reflexionar sobre a nosa práctica diaria, e o mesmo tempo tamén nos enruqueceu recibir as aportacións doutros profesionais.

Interesante xornada na que disfrutamos de encontros, reencontros, reflexións e emocións esta fin de semana pasada en Vitoria, no Palacio Europa.

Démonos cita preto de 400 asistentes interesados pola proposta de traballo: “O valor do vínculo”.

Abriu a Xornada David Bueno, escritor e experto en neurociencias da Educación. Introdúxonos en matices que se dan na maduración do cerebro, aportando un lugar destacado ás emocións, o pracer do xogo, as actitudes dos enseñantes e o corpo. Explicou como este é un proceso complexo e dinámico que se extende ó longo do ciclo vital das persoas, sendo especialmente susceptible e relevante na primeira infancia.

Leticia Liñares e Iñaki Bilbao-Macias membros do “Instituro Vasco de Apego e Psicoanálisis- IVAP” profundizaron en temas do apego e vínculo. Incidiron en que nas primeiras relacións que os nenos/as entablan coas figuras de referencia, viven experiencias que marcarán as claves sobre as que se sustentarán as futuras relacións. Fíxose un importante fincapé en na importancia dos límites na infancia, así como a necesidade de aprender a postergar a gratificación das necesidades, aspectos que determinarán a futura capacidade de autorregulación dos nenos/as. Outro aspecto sinalado foi o dos riscos da hiperconexión.

Anna Luna pedagoga e psicomotricista, formadora do ASEFOP en Barcelona introducionos en detalles da súa práctica profesional na U.A.T. como psicomotricista, resaltando a importancia do papel das familias neste traballo cos nenos/as en dificultade.

Xa o domingo Nerea Martínez psicóloga e psicomotricista dunha U.A.T. de Navarra afondou en temas como o axuste de espectativas nos tratamentos, marcar metas realistas tanto coas familias como cos nenos do servizo: “conseguir algo pequeño es salir de donde estamos y ésto es algo grande”. È preciso contemplar a maduración como un proceso no que se dan avances e retrocesos. Nerea valorou os grandes aportes da súa formación en psicomotricidade no traballo cos nenos/as que atende no servizo.

Katti Homar, pedagoga – mestra e psicomotricista falou do proxecto que están a desenvolver en Mallorca nas escolas infantiles de 0 a 3 anos e na utilidade da Psicomotricidade Vivenciada Relacional. Na mesma línea Maruje Arrastua e Karmentxu Martínez explicaron como abordan na escola de educación infantil o complexo proceso de adaptación (comenzo da escolarización ós 3 anos) e da utilidade da sala de psicomotricidade neste momento.

Sin lugar a dúbidas unha xornada ben interesante.

Neste mes asinamos un contrato coa Universidade de Huelva – Facultade de Psicoloxía – para colaborar na formación cos seus alumnos de Grado ou Master.

As prácticas de formación son intercambios entre dúas realidades: teórica e a práctica. Aportarán ventaxas a ambas partes: a alumna e os profesionais, xa que no día a día se dan intercambios que xa está comprobado que nos axudan a mellorar … Sin lugar a dúbidas esta conexión entre o estudio, investigación, formación reglada… e a práctica profesional, deben camiñar xuntas…

De volta á sala de Psicomotricidade que xa coñecemos, no colexio de Agro de Muíño!!!

Agradecemos á AMPA do centro que contara con nos para retomar este traballo.

Sentimos gran satisfación ó apreciar o interés que nos mostraron para poñer en marcha un proxecto que moitos deles xa coñecían, e que valoran. O venres pasado, día 7 de Novembro reuníamonos coas familias e os membros da Asociación, para coñecernos e explicar as bases do noso traballo. Este próximo venres día 15, ahí estaremos, dispostas para recibir ós nenos/as que están inscritos, e coa disposición a acompañalos nas sesións que nos esperan ó longo do curso.