Uncategorized @gl

Luis Siguero é un profesional cunha importante traxectaria dentro do ámbito da psicomotricidade.

Mary Angeles Cremades: directora do CEFFOP (Centro de Formación de Práctica Psicomotriz Aucouturier en Madrid), profesional que coñece e acompañou a Luis na formación como psicomotricista, e seguiuno na súa traxectoria profesional, comenta o seguinte: “Encontrar un libro de anatomía escrito desde la mirada de la Práctica Psicomotriz, es sin duda excepcional; un libro que además de huesos, músculos y órganos diversos, habla del “Otro”, de vínculos, apegos, movimiento y pulsión; un libro que habla de búsquedas y encuentros entre seres humanos, todo ello concentrado en el periodo del primer año de vida, periodo en el que se produce la gran transformación que lleva al bebé humano de la posición horizontal a la posición erecta en bipedestación. Estamos por tanto ante un libro que aporta conocimiento importante a nuestro campo y que, por lo tanto, todo psicomotricista debe conocer”.

Facilitamos o enlace da páxina na que se pode mercar así como profundizar na traxectoria profesional do autor: http://www.luissiguero.com/anatomia

Facilitamos o enlace a un artigo interesante sobre os aportes da Psicomotricidade publicado na páxina web de BBK FAMILY: profesionais do País Vasco que traballan no acompañamento da crianza e da educación.

Baixo o título: “¿Que aporta la psicomotricidad a los niños y las niñas?” explícanse peculiaridades do desenrolo madurativo dos nenos/as resaltando a importancia do xogo.

Comentan as diferentes abordaxes da PPA (Práctica Psicomotriz Aucoutier): PPE (Práctica Psicomotriz Educativa) e a PPT ( Práctica Psicomotriz Terapéutica).

Cunha linguaxe clara, neste artigo móstrase unha pincelada do traballo que se fai nas salas de psicomotricidade. Un avance para facer boca: “¿Que se juega en la sala? – Se juega el ser, se juega el dolor de la existencia, se juega el placer de la exploración y el descubrimiento, del encuentro, de la vivencia integradora, se juega el futuro en el presente desde el pasado”.

Para acceder ó artigo picar: https://bbkfamily.bbk.eus/es/en-que-ayuda-la-psicomotricidad-a-los-ninos-y-las-ninas/

Propostas de formación interesantes – seminarios impartidos por Bernard Aucouturier, un dos pilares da psicomotricidade Vivenciada e creador da PPA (Práctica Psicomotriz Aucouturier). Xunto con Lapierre impartiron os primeiros seminarios de formación en España, sementando o comezo das posteriores escolas de formación que foron creándose.

Para obter más información acceder ó seguinte enlace: https://felicesjugando.com/webinars/

Baixo o título: “Aportaciones de H. Wallon a la psicomotricidad”, e entrando en cuestións claves do pasado e futuro desta disciplina, Pilar Arnaiz fai un percorrido deste autor e do seu legado no segundo Congreso Mundial da Psicomotricidade, realizado recentemente na cidade de México.

Pilar Arnaiz é unha autora de referencia para todos/as as que traballamos como psicomotricistas. As súas obras son ferramentas prezadas que nos acompañan no traballo, libros ós que acudimos con frecuencia en búsqueda de aclaracións ou contextualización, tanto a nivel teórico como de vivencias nas salas de traballo.

Nesta ponencia acércanos a un autor que foi esencial para o nacemento da psicomotricidade: H. Wallon, quen adicou a súa traxectoria profesional como médico e psicólogo a profundizar sobre a evolución da infancia. Na actualidade é a fonte á que acudimos para comprender e explicar moitos aspectos da maduración infantil. Deu protagonismo ó papel do corpo e movemento na construcción do neno/a, no desenrolo do seu pensamento e carácter. Tamén foi un importante defensor dos dereitos da infancia.

Adxuntamos un enlace a esta ponencia de Pilar: https://youtu.be/hyFOZYKve6M

O término “Psicomotricidade” engloba estruturas motrices, cognitivas e afectivas dos individuos, e nos nenos/as,  ten unha maior relevancia, xa que todas estas estruturas avanzan en conexión- interrelación (o neno/a vive a globalidade nos primeiros anos de vida), e o movemento será o medio que lle permitirá a incorporación de novas destrezas (en tódolos ámbitos).

Seguro que todos tivemos a experiencia, e aínda podemos comprobar, a estreita relación que existe entre a movilización corporal e as respostas emocionais: unha aperta cando sentimos angustia pode facilitar a saída do choro, facer deporte e respirar profundamente, activa o sistema endocrino provocando estados de ánimo más satisfactorios. Tamén temos a certeza de que as emocións provocan  cambios tónicos claramente perceptibles a nivel corporal: un medo intenso pode chegar a bloquearnos/paralizarnos ou a outros facelos correr como nunca o fixeran antes, a rabia e extrés continuos provocan tensións mandibulares, cervicais…

 Á relación corpo-emoción tamén se une o pensamento ou coñecemento: seguro que todos temos na memoria certa experiencia vivida que cando a activamos (ex. ese accidente ou susto enorme que pasamos) ben porque visualmente vemos algo, porque  nos toca voltar a pasar por un sitio similiar, ou alguén pasa por algo parecido, é fácil que volte a provocarnos reaccións somato/psíquicas (sudores, dolores, tensións, bloqueos, medos,…). O corpo e a emoción teñen canles de conexión ó longo de toda a vida.

Seguro que tamén todos temos experiencias nas que relacionamos a acción coa aprendizaxe, de feito sigue sendo unhas das vías para incorporar coñecementos. Facer unha práctica nada ten que ver con leer unhas instruccións de cómo realizar unha acción. Nos nenos/as o movemento é a vía ou canle privilexiada para a apendizaxe. Primeiro o neno/a móvese de xeito automático, reflexo, instintivo… pero pronto experimentará que deteminados movementos provocan reaccións no entorno: espazo, nos demais, nos obxectos… A partir deste momento podemos incoporar o término de acción, movemento que alimentará o pensamento do neno – via para  incorporar aprendizaxes, e estará nos cimentos da capacidade cognitiva.

Estas conexións: corpo – emoción – pensamento, que seguimos vivindo como adultos, nos nenos/as son máis profundas (xa que ata os 6/7 anos os nenos/as non acadan a capacidade de descentración tónico/emocional) e polo tanto o seu corpo é a canle, o medio que sirve para expresarse emocionalmente e aprender.

A psicomotricidade é a disciplina que parte destas premisas –  podemos afirmar que o acompañamento ou a intervención terapéutica dende a psicomotricidade implica unha mirada da/o profesional (psicomotricista) enfocada a:

• O desenrlo motor do neno/a
• O desenrolo emocional do neno/a.
• O desenrolo do pensamento do neno/a.

Unha mirada dirixida á “expresividade motriz do neno/a” esa acción que cada neno/a desplega, que nos fala da súa historia única, das vivencias, das fortalezas e debilidades…., e que o/a psicomotricista contempla sobre todo cando o neno/a XOGA de xeito libre – espontáneo, nun espazo preparado para o xogo (sala de psicomotricidade).

O EQUIPO DE MEDRANDO XUNTOS DESÉXAVOS FELICES FESTAS

A piques de rematar este ano, un ano que nos sorprendeu e tivemos que familiarizarnos con novas e inquietantes situacións: de cuarentena, alertas e peches perimetrais, contactos a través das pantallas, distanciamento social, escrupulosas medidas de seguridade, novos accesorios como as máscaras e os hidroxeles que nos acompañan a todas partes….

Un ano de medos e inseguridades, no que foi esencial asumir a responsabilidade de coidarnos e coidar ós que nos rodean. No que o sorriso moitas veces non se pode ver – pero sabemos que está aí, que as apertas e bicos non se poden dar – pero quedarán gardadas para o momento máis oportuno, non poderemos tomar un bombón xuntos – pero si saborear o pracer de vernos e seguir adiante.

Un ano no que todos nos tivemos que re-inventar.

Con todo o vivido damos a benvida ó 2021 e desexamos seguir formando parte da vosa vida, e xuntos, seguir superando retos que nos irán construíndo como persoas.

O que pediremos este novo ano está moi claro: que podamos desfrutar na totalidade das risas (a través de todos os sentidos), que sexa posible falar ben alto, cantar ou berrar; bailar xuntos, xogar sen estar pendentes das distancias, que podamos desfrutar do contacto e proximidade que nos apeteza, das apertas e mimos,  xogar e convidar a quen queiramos ó xogo. Un ano no que espantemos os medos vividos e así gañar en seguridade e forza.

Con todo o afecto do equipo de Medrando Xuntos: FELICES FESTAS E BENVIDO O 2021.

Marta Prieto psicomotricista e integrante do equipo da Escola de Formación do CEFOPP Madrid, entrevista a Alvaro Beñarán, psicomotricista, membro do equipo de formación da Universidade de Bergara (País Vasco) e actual presidente da ASEFOP (Asociación Europea de Escolas de Formación de Práctica Psicomotriz)

Os que coñecemos a Alvaro e tivemos a oportunidade de escoitalo en algunhas das súas ponencias, en certa medida quedamos enganchados a él, como lle expresa Marta, integrámonos no seu club de fans. Un discurso que sempre nos sorprende e reconforta, que nos anima e clarifica, tamén é divertido pois vémonos en anécdotas ou comentarios que xurden espontáneamente para aclarar aspectos teóricos e que enriquecen a presentación.

Un regalo de entrevista que merece a pena escoitar e disfrutar: https://www.instagram.com/tv/CHgHqY3KXnb/?igshid=1f7v93i16srdg

Lembrar que Álvaro estará de novo, con todos os que o desexen, o próximo venres día 20, ás 19.00h participando nas VII Xornadas de Práctica Psicomotriz coa ponencia “Los lobos y los virus se matan jugando”.

Organizadas polo CEFOPP, e baixo o título “¿Qué están viviendo los niños y niñas hoy?” convócannos e provócannos para asistir a estas xornadas – cunha cuestión que seguro está no pensamento de todas/os as que traballamos con nenas e nenos.

Ante esta realidade que nos toca vivir, da que ninguén podemos fuxir nin ignorar, caracterizada por: cambios de rutinas e hábitos, medos diversos, incertidume, enfermidades, morte e angustia….. Cómo é o mellor xeito de acompañar e axudar?. Cómo nos aseguramos as/os profesionais para ser unha anclaxe sólida para os nenos/as?.

Nós, as psicomotricistas, tamén nos vemos afectadas, e precisamos tempo e ferramentas de axuda e autoaxuda ás que botar man. Xuntos, sen lugar a dúbidas, poderemos afondar nestas realidades: externas e internas, de fóra e dentro, da pandemia e do corpo. Tamén atoparemos camiños que nos permitan visualizar recursos que, dende as nosas salas de psicomotricidade, poderemos empregar con seguridade e eficacia.

Para toda a información das xornada picar no enlace: http://www.jornadascefopp.com/

Que gañas!!!

Organizado pola Escola Internacional de Práctica Psicomotriz en Bilbao.

Toda a información no seguinte vínculo: https://escvpsicomotricidad.com/formacion/bianual-2020-2022-curso-de-especialista-en-practica-psicomotriz-educativa-y-de-ayuda-psicomotriz-en-pequeno-grupo-con-orientacion-terapeutica/

Un ano máis, o centro Medrando Xuntos, renova a colaboración co Concello de Negreira. Nesta ocasión, debido o COVID, só se traballará a nivel terapéutico prestando os seguintes servizos:

• Reeducación Pedagóxica.
• Estimulación Cognitiva.
• Estimulación da Comunicación e Linguaxe.
• Terapia Psicomotriz.

Ó longo desta primeira semana de Novembro estamos establecendo os contactos coas familias dos novos usuarios, adecuando o espazo, preparando materiais, e ultimando todos os detalles para arrancar xa, para a vindeira semana, coas terapias cos nenos/as.